| Xira de Santa Cruz |
|
"Amigos de la Gaita Gallega" naceu da man do seu fundador Carlos Suárez Couto arroupado por un reducido grupo de amigos, o 17 de Xullo de 1.962.
A sociedade nacía con fins moi sinalados e ambiciosos: un, crear un grupo de gaiteiras (que foi o primeiro dos surxidos en Galicia e para o que Carlos se apoiou no seu irmán Amando e no gaiteiro Primitivo Díaz, que foi coñecido como "As Meniñas de Saudade").
Outro, erixir na Atalaia de Santa Cruz, mirador de Ribadeo sobre a Ría, un monumento en pedra granítica cincelada polo escultor orensano Faílde, en memoria do gaiteiro galego, que é único no seu género na nosa Autonomía.
Desde 1965 quedou fixada a data inalterable do 1º Domingo de Agosto para celebrar o "Día da Gaita" - Romería en Santa Cruz (A XIRA) , festival popular folclórico que está recoñecido de Interese Turistico e que se desenvolve ao amparo do monte que rodea ao Monumento ao Gaiteiro e na área recreativa, dotada de servizos con amplos aparcamentos que convirten a tan fermosa paraxe en lugar de cita obrigada para miles de romeiros que alí suben cada primeiro domingo de Agosto.
O 10 de Maio de 1980 en Asamblea Xeral Extraordinaria, acordouse a creación da Escola para as ensinanzas de Gaita e Danza, que empezaron a funcionar no curso de 1981, asi como tamén foi incorporado ás actuacións folclóricas que se desenvolven o Día da Gaita - Romería o acto do Pregón, que se dice no Cine-Teatro da vila, na tarde-noite do sábado anterior.
En 1989 a sociedade, coa aprobación de novos Estatutos, adquiriu o caracter de Cultural-Recreativa-Deportiva, contemplándose a figura de Socio Copropietario, modalidad que supuso a adquisición dun terreo de 8.000 m². ubicado na zona cultural-deportiva da vila, onde se construíron 2 pistas polideportivas, debidamente pechadas, e os seus vestiarios, estudándose a posibilidade de construir un pavillón polideportivo (actualmente construído), dotado con dependencias sociais, debidamente acondicionado para as actividades que se imparten actualmente e as que serán impartidas nun futuro a curto, medio e longo prazo.
|
Ajaspino 
Canavardá 
Ribadeando 
Ribadeo Word Press